Саиджамшид Жафаров ҳам IBA Pro Series мусобақасида иштирок этади

Ҳаваскор боксда икки карра Осиё чемпиони (2021, 2022), икки карра Ўзбекистон чемпиони (2020, 2021), 23 ёшли бухоролик боксчи Саиджамшид Жафаров 75 кг вазн тоифасида 11 декабрь куни Бирлашган Араб Амирликларининг Абу-Даби шаҳрида ўтказилувчи IBA Pro Series  мусобақасида иштирок этади.

Бу ҳақда бокс бўйича Ўзбекистон терма жамоаси бош мураббийи Тўлқин Қиличев маълум қилди.

Саиджамшид Жафаровга ушбу вазнда амалдаги Жаҳон чемпиони Йоэнлис Эрнандес рақиблик қилиши кутилмоқда.