18 апр 23:43
Янгиликлар
Бокс/ММА
Саиджамшид Жафаровнинг IBA.Pro 2'даги тажрибали рақибига қарши жанги тўлиқ давом этди
Айни дамда Россия Федерациясининг Челябинск шаҳрида IBA.Pro 2 профессионал бокс турнири бўлиб ўтмоқда.
Аввалроқ, мусобақа доирасида ўзбекистонлик чарм-қўлқоп усталари — Саиджамшид Жафаров ҳамда Мадияр Саидраҳимов ҳам рингга кўтарилиши ҳақида хабар бергандик.
Бироз олдин "Premier Boxing Academy" жамоаси аъзоси Саиджамшид Жафаровнинг россиялик тажрибали Сергей Лубкович билан баҳси якунига етди. Супер ярим ўрта вазн тоифасида ташкил этилган беллашув тўлиқ 6 раунд давом этди. Якунда ҳамюртимиз ҳакамларнинг якдил қарори билан ғалаба қозонди.
Маълумот учун, бу Жафаровнинг проф фаолияти давомидаги олтинчи жангида қўлга киритган бешинчи ғалабаси бўлди. Унинг ҳисобида битта мағлубият ҳам мавжуд.
29 яшар Сергей Лубкович эса бугун илк мағлубиятини қабул қилиб олди. У бунга қадар 19 та жангда 18 та ғалаба ва 1 та дурангни қайд этганди.
Ҳавола :
Манба : olamsport.com
Фикрлар