Саидёқуб Қаҳрамонов Конор Макгрегорга ажойиб тарзда тақлид қилди

Гап шундаки, Саидёқуб ўз жангидан бир кун олдин, рақибини ухлатиб қўйиши ҳақида твит ёзганди. Жангдан сўнг, Қаҳрамонов бир кун олдин ёзгани сингари рақиби Тревин Жонсни "гилетин" услуби билан бўғган ҳолатда ухлатиб қўйди. 

Шундан сўнг эса, Саидёқуб бир кун олдин ёзган твитига жавоб ўлароқ шундай фикр билдирди: "Мени мистик (сеҳрли, олдиндан башорат қилувчи) ўзбек деб атанглар. Чунки мен бу нарсаларни олдиндан башорат қилгандим".

Кўпчиликка маълумки, бу машҳур жумлалар Конор Макгрегорга тегишли. Конор Дастин Порьега қарши биринчи жангдан олдин уни биринчи раундда нокаут қилишини башорат қилган ва айнан шу ишни бажарганди. 

"Мен уни биринчи раундда нокаут қиламан дегандим ва худди шу ишни бажардим. Мени Мистик Мак деб атанглар, чунки мен бу нарсаларни олдиндан башорат қилгандим", - деган эди Конор.