Самандар Сатторов Тошкентдаги Naiza 54 турнирида 3 йилдан буён жанг қилмаган спортчига қарши октагонга чиқади + ПОСТЕР

Ушбу мусобақадан ўрин олган яна бир жанг эълон қилинди.

Унга кўра, ярим ўрта вазн тоифасида ўзбекистонлик аралаш яккакураш устаси Самандар Сатторов (5-1-0) Озарбайжон вакили Элвин Аббасов (5-2-0) билан тўқнаш келади. Жанг асосий кард доирасида 3 раунддан иборат бўлади.

Самандар Сатторов сўнгги жангини ўтган йилнинг декабрь ойида қирғизистонлик Ержан Алмазбековга (3-1-0) қарши ўтказиб, иккинчи раундда муддатидан олдин ғалаба қозонган эди.

Элвин Аббасов эса фаолиятидаги охирги жангини қарийб 3 йил аввал ҳамюрти Илгар Гасимовга қарши ўтказиб, ғалаба қозонган.