16 май 15:04
Янгиликлар
Триатлон
Самарқандда триатлон ва пара триатлон бўйича Жаҳон кубоги бошланмоқда
Эртадан Самарқанд шаҳри яна бир нуфузли мусобақани ўзида қабул қила бошлайди.
17-19 май кунлари боқий Самарқандда триатлон ва пара-триатлон бўйича Жаҳон кубоги беллашувлари бўлиб ўтади.
Мусобақа дастурига кўра, беллашувлар 18-19 май кунлари ташкил этилади. Қайд этиш жоиз, мусобақада Париж-2024 Олимпиадаси лицензиялари учун муҳим бўлган рейтинг очколари ўйналади.
Самарқанддаги Жаҳон кубогида дунёнинг 52 та давлатидан жами 270 нафар спортчи иштирок этиши кутилмоқда. Ушбу беллашувларда Ўзбекистон терма жамоаси шарафини 20 нафар триатлончи ҳимоя қилади.
Бугун нуфузли воқелик олдидан Самарқанд шаҳрида Спорт вазири Адҳам Икромов ва бошқа мутасаддилар иштирокида матбуот анжумани ташкил этилмоқда.
Ҳавола :
Манба : olamsport.com
Фикрлар