11 окт 17:49
Янгиликлар

Самбо

Самбо. Жаҳон чемпионатида ҳозирча битта олтин ва учта бронза! (ФОТО)

Тошкент шаҳрида ўсмирлар ва ёшлар ўртасида жаҳон чемпионати давом этмоқда.

Бугун мусобақанинг дастлабки куни доирасида умумий ҳисобда 12 та вазн тоифасида (ўсмирлар ва ёшлар) жанглар ташкил этилмоқда.

Ҳозирча мусобақа доирасида тўртта вазн тоифасида ғолиб ва совриндорлар номи маълум бўлиб улгурди.

Қувонарлиси, мусобақада ёшлар ўртасида -40 кг вазн тоифасида юртимиз шарафини ҳимоя қилган Муниса Эшқулова барча рақибаларини мағлубиятга учратиб, жаҳон чемпионига айланди. Шунингдек, ёшлар ўртасида Саидали Раҳимов (-51 кг), ўсмирлар ўртасида Наргизахон Абдулатипова (-44 кг) ва Бектош Назаров (-48 кг) мусобақанинг бронза медалига сазовор бўлишди.

Баҳслар давом этмоқда.