01 дек 08:22
Янгиликлар

Самбо

Самбо: ХХХIII Спартакиада ғолиблари аниқланди

Пойтахтимиздаги “ЖАР” спорт-соғломлаштириш марказида самбо бўйича ҳуқуқни муҳофаза қилувчи орган ходимлари ўртасида ХХХIII Спартакиада мусобақаси ўтказилди.

Ўзбекистон Республикаси Президентининг “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони ижросини таъминлаш мақсадида ташкил этилган мусобақада 13 та ҳуқуқни муҳофаза қилувчи орган жамоасининг 100 нафардан ортиқ спортчи-ходимлари ўзаро беллашди.

Шиддатли кечган беллашувлар сарҳисобига кўра, умумжамоа ҳисобида Ички ишлар вазирлиги жамоаси 1-ўринни қўлга киритди. Ғолиб ва совриндорлар ташкилотчилар томонидан тегишли даражадаги диплом, медаль ва эсдалик совғалари билан тақдирланди.