Самбочиларимиз Чирчиқ шаҳрида ўқув-машғулот йиғинини бошлашди

Ушбу мусобақада қитъамизнинг турли мамлакатларидан етакчи самбочилар қатнашиши кутилмоқда. Ўз ватанимизда ўтказиладиган қитъа биринчилиги учун ўзбек самбочилари жиддий тайёргарлик олиб боришмоқда. Шу мақсадда, Ўзбекистон самбо терма жамоалари бугун Чирчиқ шаҳрида ўқув-машғулот йиғинларига киришди. 

Ушбу йиғин ҳақида Ўзбекистон самбо ассоциацияси бош котиби, терма жамоа бош мураббийи Роман Шакиров ўз фикрларини билдириб ўтди.

"Бугундан бошлаб Ўзбекистон самбо терма жамоалари Чирчиқ шаҳрида йиғинни бошлашди. Унда 50 нафар спортчи ва мураббий иштирок этмоқда. Дастлабки кунда ўқув-машғулот йиғининнг мақсад ва вазифалари назарий томонлама тушунтириб берилди. Шунингдек антидопинг масаласида ҳам тушунтириш ишлари олиб борилди. 

Куннинг иккинчи қисмида эса гилам устида машғулотлар олиб борилди. Мақсадимиз - ўз мамлакатимизда ўтказиладиган Осиё чемпионатига муносиб тайёрланишдир", - деди Роман Ильдарович.

Маълумот учун, ушбу йиғин Осиё чемпионати бошлангунга қадар давом этади. 

Ўзбекистон самбо ассоциацияси матбуот хизмати