27 окт 08:05
Янгиликлар
Самбо
Самбочиларимиз жаҳон чемпионати олдидан йиғинни бошлашди
11-13 ноябрь кунлари Қирғизистоннинг Бишкек шаҳрида самбо бўйича катталар ўртасида жаҳон чемпионати ўтказилади.
Шу муносабат билан кеча, 26 октябрь куни Ўзбекистон катталар терма жамоаси ушбу нуфузли мусобақа олдидан тайёргарликни бошлади. Чирчиқ шаҳрида ўтказиладиган йиғин самбочиларимиз учун жаҳон чемпионати учун тайёргарликнинг сўнгги босқичи ҳисобланади.
Йиғиннинг дастлабки кунида бош мураббий Роман Шакиров бошчилигида назарий машғулотлар ташкил этилди. Унда спортчиларга тақиқланган тиббий моддалар, йиғинда интизом қоидалари ва бошқа мавзуларда суҳбатлашилди.
Сўнгра амалий машғулотлар бошланди. Йиғиннинг дастлабки уч кунида асосий эътибор ўзаро беллашувларга қаратилади.
Ҳавола :
Манба : t.me/uzbekistan_sambo
Фикрлар