24 янв 08:56
Янгиликлар

Бокс/ММА

Санжар Раҳмонов жангига чиқарилган чипталар 25 доллардан сотиляпти

Афсонавий Флойд Мэйвезерга қарашли промоутерлик компаниясида фаолият олиб бораётган ҳамюртимиз Санжар Раҳмонов 27 январь куни навбатдаги жангини ўтказади.

Бўлажак жангда чарм қўлқоп устамизга америкалик Хайлон Уильямс рақиблик қилади. Жанг 27 январь куни АҚШнинг Невада штати Лас-Вегас шаҳрида ташкил этиладиган бокс оқшомида ўтказилади. Ушбу бокс кечаси учун чиқарилган чипталар 25 доллардан сотиляпти.

Маълумот учун, Санжар Раҳмонов профессионал фаолияти давомида 10та жанг ўтказиб, уларнинг 9тасида ғалаба қозонган. Битта жангда дуранг қайд этилган.

Америкалик боксчи эса 21та жангда рингга чиққан. Шулардан 16тасида Уильямснинг қўли баланд келган. Тўртта жангда мағлубият аламини тотиб кўрган. Яна битта жангда дуранг натижани расмийлаштирган.