09 ноя 08:24
Янгиликлар

Бокс/ММА

Санжар Турсунов АҚШда проф рингдаги илк жангини ўтказди + ФОТО

Бундан бир неча дақиқа аввал АҚШнинг Калифорния штати Индио шаҳридаги Fantasy Springs Casino аренасида профессионал бокс кечаси бўлиб ўтди.

Биз учун муҳими, ушбу бокс оқшомида ўзбекистонлик чарм қўлқоп устаси рингга кўтарилди. Ҳаваскор боксда жаҳон чемпионати совриндори Санжар Турсунов профессионал боксдаги дебют жангини ўтказди.

Россиянинг “Мир Бокса” промоутерлик компанияси билан шартнома имзолаган Турсуновнинг рақиби мексикалик Мигель Кубос бўлди. Санжар тўрт раундга мўлжалланган жангнинг иккинчи раундида рақибини нокаутга учратди ва дебютини ғалаба билан бошлади.

Маълумот учун, 29 ёшли Кубос фаолияти давомида 31та жанг ўтказган. Бу жангларнинг 11тасида ғалаба қозонганди. Саккизта жангда рақибларини нокаутга учратган. Мағлубиятлари сони бугун 20тага етди. Бугунгиси билан қўшиб ҳисобласа, 9та жангда нокаут бўлган.