12 янв 10:49
Янгиликлар

Бокс/ММА

Санжар Зокиров япониялик амалдаги чемпионни жангга чорлади (ФОТО)

Ўзбекистонлик таниқли аралаш яккакураш устаси Санжар Зокиров навбатдаги жангини баҳорда ўтказиш ниятида.

Ҳамюртимиз ўта енгил вазн тоифасида ONE Championship Лигасининг амалдаги чемпиони, япониялик Юя Вакаматсу билан жанг қилмоқчи. Зокиров мазкур жангнинг 10 апрель куни ташкил этиладиган ONE FC турнири доирасида ўтказилиши тарафдори.

Маълумот учун, 22 яшар "Торнадо" Зокиров фаолияти давомида ҳозиргача 14 та жанг ўтказиб, уларнинг барчасида рақибларидан устун келган. 30 ёшли Вакаматсу ҳисобида эса 20 ғалаба ва 6 та мағлубият бор. У ўз чемпионлик камарини бир марта муваффақиятли ҳимоя қилиб улгурган.