23 авг 07:11
Янгиликлар

Теннис

Саралашдан асосий тўрга етиб келган Омонмуродова иккинчи учрашувини ўтказди

Германиянинг Брауншвейг шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада тажрибали теннисчимиз Оқгул Омонмуродова ҳам иштирок этяпти. Ҳамюртимиз саралаш баҳсларида икки ғалабага эришиб, асосий тўрга йўл олган эди.

Асосий тўрнинг илк даврасида британиялик Эмили Апплетонни 6:2, 7:6(2) ҳисобида мағлуб этган вакиламиз иккинчи босқич баҳсида мағлубиятга учради. Омонмуродова турнирнинг еттинчи ракеткаси, германиялик Жюль Ниемейерга 2:6, 3:6 ҳисобида имкониятни бой берди.