06 апр 13:32
Янгиликлар

Дзюдо

Сардор Нуриллаев Осиё чемпионатининг финалида!

Бишкек шаҳрида дзюдо бўйича катталар ўртасидаги Осиё-Океания чемпионати давом этмоқда.

Ҳозиргина ҳамюртимиз Сардор Нуриллаев иштирокидаги ярим финал баҳси якунига етди. -66 кг вазн тоифасидаги дзюдочимиз финал чиптаси учун жаҳон чемпионатининг кумуш медали совриндори, кореялик Лим Хван Кимга қарши татамига чиқди ва рақибини қўшимча бўлимда иппон баҳоси эвазига мағлубиятга учратди.

Сардор Нуриллаевнинг финалдаги рақиби 2021 йилги Доҳа "Мастерс" ҳамда Тошкент "Катта Дубулға" турнирлари ғолиби кореялик Ан Баул бўлади. Баул ярим финалда қозоғистонлик Елдос Жумакановни енгди.