11 янв 13:22
Янгиликлар

Дзюдо

Сардор Нуриллаев Қатар "Мастерс"ни ғалаба билан бошлади

Қатар пойтахти Доҳа шаҳрида дзюдо бўйича мавсумнинг илк IJF мусобақаси биринчи кунги беллашувлари давом этмоқда.

Ҳозиргина Қатар "Мастерс" турниридаги ўзбекистонлик дзюдочиларнинг иштирокини Сардор Нуриллаев бошлаб берди. -66 кг вазн тоифасидаги юртдошимиз биринчи давра учрашувида бразилиялик Виллиан Лимага қарши татамига чиқди.

Асосий вақтда ғолиб аниқланмади. Қўшимча бўлимда Нуриллаев иппон баҳоси эвазига рақибини мағлубиятга учратиб, кейинги босқичга йўл олди. Энди Сардор иккинчи даврада исроиллик Барух Шмайловга қарши баҳс олиб боради. Шмайлов ўз ўрнида озарбайжонлик Орхан Сафаровдан устун келди.