Сайёрамизнинг энг кучли теннисчисида допинг чиқди

Бу ҳақда руминиялик теннисчининг ўзи маълум қилди. Халепнинг қон таҳлилида тақиқланган Roxadustat моддаси аниқланган. 

"Бугун фаолиятимдаги энг катта баҳс бошланяпти. Бу - ўзимни оқлаш, ҳақиқатни юзага чиқариш матчи. Менга допинг-таҳлилимда унчалик катта бўлмаган миқдорда тақиқланган Roxadustat моддаси чиққанини айтишди. Бу мен учун ҳаётимдаги энг катта шок хабар бўлди. 

Фаолиятим давомида миямга кимнидир алдаш ҳақидаги хабар келмаган. Бунга мени болаликдан ўргатишган. Ўзимни бу борада вафодор хис этаман. Айбсизлигимни исботлаш учуг охиригача курашаман. Эртами кеч, албатта ҳақиқат юзага чиқади. Гап пул ва совринларда эмас. Мен бу спортга ҳаётимнинг 25 йиллигини сарфлаганман", - деди Халеп.