“Семурғ” драматик ўйинда сериядаги ҳисобни тенглаштирди ФОТОГАЛЕРЕЯ

Илк учрашувда “Бинокор” жамоасига 2:5 ҳисобида имкониятни бой берган “Семурғ” бу сафар ғалаба учун астойдил ҳаракат қилди. Ўн беш дақиқадан иборат 3 давра ўтказилган баҳсда ҳисоб дуранг - 4:4 кўриниши олди. 

Асосий вақтда жамоаларнинг дурангга эришиши 10 дақиқалик қўшимча вақтни тақозо этди. Қўшимча дақиқаларнинг сўнгги сонияларида “Семурғ”нинг омади келди: “Бинокор” - “Семурғ” 4:5. 

Шу тариқа сериядаги умумий ҳисоб тенглашди - 1:1. Қайси жамоа биринчи бўлиб 3 та ғалабага эришса, хоккей бўйича биринчи Ўзбекистон чемпиони деган шарафли номга эга бўлади.

Суратлар муаллифи - Алимурод Мамадаминов