01 ноя 14:51
Янгиликлар
Бокс/ММА
"Сен келмагунча барчаси жойида эди". Махачев савол берган Хабиб Нурмагомедовга кутилмаган жавоб қайтарди
UFC собиқ чемпиони, Ислам Махачев Жек Делла Маддаленага қарши бўладиган жанг олдидан тайёргарлик жараёни ҳақида гапирди.
Хабиб Нурмагомедов жойлаштирган видеода Хабиб ва Ислам суҳбатлашган.
Хабиб Нурмагомедов: Ислам, тайёргарлик қандай кетяпти? Янги нарсалар борми?
Ислам Махачев: Ҳаммаси жойида эди, сен икки кун олдин келмагунча (кулади).
Хабиб Нурмагомедов: Жиддий жавоб бер.
Ислам Махачев: Энди машқлардаги рақиблар оғирроқ. Илгари 83–84 килограмм атрофидаги йигитлар билан ишлаганман. Ҳозир эса Мухаммад Берҳамов каби оғир жангчилар билан — у 91 килограмм вазнга эга.
Хабиб Нурмагомедов: Вазн тушириш қандай кетяпти?
Ислам Махачев: Бу ҳақда ўйламайман ҳам (кулади). Ярим ўрта вазнга ўтгач, ҳаёт ўзгарди. Илгари доимо “бу кеча қаерда нима ейман?” деб ўйлардим. Энди эса — фарқи йўқ, — деди Махачев.
Ҳавола :
Фикрлар