25 авг 19:20
Янгиликлар
Теннис
Серена Уильямс: "Кортдаги ҳар бир ўйин мен учун охиргиси бўлса, қандай қилиб йиғламайман?"
«Катта Дубулға» турнирларининг 23 карра чемпиони, жаҳоннинг собиқ биринчи ракеткаси америкалик Серена Уильямс 29 августдан 11 сентябргача бўлиб ўтадиган US Open турниридаги иштироки ҳақида гапирди.
Спортчи учун ушбу турнир унинг фаолиятидаги сўнгиси бўлиши мумкин.
“Бу, албатта, мен учун ҳиссий лаҳза бўлади. Қандай қилиб йиғламайман? Балки бир неча даврадан ўта олсам, ўзимни яхши ҳис қиларман. Аввалига қийин бўлади деб ўйлайман, чунки кортдаги ҳар бир ўйин мен учун охиргиси бўлиши мумкин. Йиллар давомида бундай қўллаб-қувватлаш бўлишини хаёлимга ҳам келтира олмасдим», - дея Уильямснинг сўзларидан иқтибос келтиради Eurosport.
Эслатиб ўтамиз, «Уимблдон-2022»да 40 ёшли Серена биринчи даврадаги тўсиқдан ўта олмади. У уч сетда Франция вакили Армони Танга имкониятни бой бериб қўйди.
Ҳавола :
Манба : gotennis.ru
Фикрлар