14 фев 14:54
Янгиликлар

Дзюдо

Сергелида мамлакат чемпионатига саралаш турнири ўтказилди + ФОТО

Пойтахтимизнинг Сергели туманидаги 1-Болалар ва ўсмирлар спорт мактабида дзюдо бўйича 2004-2005 йилларда таваллуд топган ўсмирлар ва қизлар ўртасида мусобақа ўтказилди.

Шу ёш тоифасидаги Ўзбекистон чемпионатига саралаш вазифасини ўтаб берган ушбу мусобақада Тошкент шаҳри шарафини ҳимоя қилувчи дзюдочилар аниқланди.

Мусобақада шаҳримизнинг барча туманларидан 150 нафарга яқин дзюдочи татамига чиқди. Умумий иштирокчиларнинг деярли тенг ярми Ўзбекистон чемпионатида қатнашиш ҳуқуқини қўлга киритди.