09 апр 07:33
Янгиликлар

Теннис

Сергей Фомин Анталия турнири жуфтлигида вице-чемпион бўлди

Туркиянинг Анталия шаҳрида теннис бўйича М15 тоифасига кирувчи турнир бўлиб ўтди.

Мукофот жамғармаси 15 000 АҚШ долларини ташкил этган мусобақада ҳамюртимиз Сергей Фомин ҳам ўз имкониятини синаб кўрди. Россиялик Павел Вербин билан иккинчи рақамли жуфтликни ҳосил қилган Фомин турнир вице-чемпионига айланди.

Ҳамюртимиз Вербин билан бош соврин учун кечган баҳсда германиялик теннисчилар Жон Сперл ва Марлон Ванкан ҳамкорлигига 6/7(5), 1/6 ҳисобида имкониятни бой берди. Фомин яккаликнинг иккинчи даврасида россиялик Максим Жуковга 4:6, 4:6 ютқазиб қўйганди.