10 ноя 17:32
Янгиликлар

Теннис

Сергей Фомин Баҳрайндаги турнирда вице-чемпион бўлди + ФОТО

Баҳрайн пойтахти Манама шаҳрида ITF М15 тоифасидаги халқаро теннис турнири бўлиб ўтди.

Ўзбекистонлик теннисчи Сергей Фомин мазкур мусобақанинг жуфтлик баҳсларида финалга чиқди. Фомин нейтрал мақомдаги теннисчи Данил Голубев билан бирга иродали "камбэк" амалга оширди. Ярим финалда улар нейтрал мақомдаги Тимофей Дерепаско ва италиялик Лорензо Лоруссо дуэтини иродали ўйинда мағлуб этишди.

Сергей ва Данил бош соврин учун финалда испан Иван Марреро ва латвиялик Карлис Озолинс жуфтлигига қарши кортга чиқди. Фомин ва Голубев ғалабага бир қадам қолганда рақибларига 7–6, 2–6, 8–10 ҳисобида имкониятни бой беришди.

Яккалик баҳсларида эса Ўзбекистоннинг иккинчи ракеткаси Сергей Фомин испаниялик Иван Марреро Курбелога 2–6, 2–6 ҳисобида мағлуб бўлди.