02 авг 12:56
Янгиликлар
Теннис
Сергей Фомин "F2 TBILISI M25" турнирини ғалаба билан бошлади
Шу кунларда Грузия пойтахти Тбилиси шахрида ITF таснифига кирувчи турнир бўлиб ўтяпти.
Турнирда уч нафар теннисчимиз Сергей Фомин, Ҳумоюн Султонов ва Максим Шин ҳам ўз имкониятларини синовдан ўтказяпти.
Ҳозиргина мамлакатимизнинг биринчи ракеткаси Сергей Фомин илк давра ўйинини якунлади. Мезбонлар вакили Георгий Цивадзега қарши баҳсда Фомин икки сет натижасига кўра 7/6, 6/4 ҳисобида ғалаба қозонди ва 1/8 финалга йўл олди.
Мусобақада 3-рақам остида сараланган ҳамюртимизнинг кейинги босқичдаги рақиби ҳали номаълум.
Шунингдек, бироздан сўнг Ҳумоюн Султонов ва Максим Шин ҳам илк даврадаги ўйинини ўтказишади. Эътиборлиси, бу икки теннисчимиз бир-бирларига қарши баҳс олиб боришади.
Ҳавола :
Манба : olamsportcom
Фикрлар