Сергей Фомин Genesis Traiding Cup турнири финалига чиқди

Мукофот жамғармаси 54 000 еврони ташкил этувчи мусобақанинг саралаш баҳсларида ҳамюртимиз Сергей Фоминнинг ҳам иштирок этиши ҳақида хабар берган эдик. Мамлакатимизнинг иккинчи ракеткаси Genesis Traiding Cup турнирининг саралаш босқич 1/2 финалида ҳиндистонлик Пражвал Девга қарши кортга чиқди.

Икки дақиқаси кам икки соат давом этган учрашувда Фомин рақиби икки сетда ҳам бир хил ҳисобда мағлубиятга учратди - 6/4, 6/4. Сергей 13, Пражвал эса 4 та эйс зарбасини амалга оширган. Қўшхатолар ҳамюртимизда кўп бўлди - 11 га 3. 

Саралашда еттинчи рақам остида ҳаракат қилаётган теннисчимиз бугун асосий тўр йўлланмаси учун Виктор Марковга қарши кортга чиқади. Болгариялик бу теннисчи кеча саралашнинг 1/2 финалида учинчи рақам остида таснифланган ҳамюрти Петр Нестеровни 6/1, 6/3 ҳисобида енгиб, шов-шув сабабчисига айланди.   

Таққослаш учун, Сергей Фомин ATP рейтингида 478, Дев 815, Марков 1689, Нестеров 455-ўринни банд этган. Фомин - Марков учрашуви бизнинг вақт билан соат 12:00да бошланади. Виктор Марков саралаш баҳсларига имтиёзли WC йўлланмаси билан иштирок этяпти.