Сергей Фомин жуфтлик турнирида финалга чиқди

Мусобақанинг яккалик баҳсларида иккинчи рақам остидан таснифланган ҳамюртимиз Сергей Фомин куча 1/4 финалда испаниялик Иван Марреро Курбельога 2/6, 2/6 ҳисобида имкониятни бой бериб қўйганди. 

Мамлакатимизнинг иккинчи ракеткаси ушбу турнирнинг жуфтлик баҳсларида финалга чиқди. Фомин россиялик Данил Голубев билан биргаликда ажойиб камбэк амалга оширди. Улар 1/2 финалда россиялик Тимофей Дерепаско ҳамда италиялик Лоренцо Лоруссо тандеми устидан иродали ғалабага эришишди. 

Биринчи сетни 1/6 ҳисобида бой берган Фомин/Голубев жуфтлиги иккинчи сетда зафар қучишди - 6/4. Ҳал қилувчи катта тай-брекда эса турнирнинг биринчи рақамли жуфтлигини ташкил қилган Сергей ва Данил 10:5 ҳисобида қозонишди. Бугун улар мусобақа бош соврини учун Иван Марреро ҳамда латвиялик Карлис Озолинс ҳамкорлигига қарши кортга чиқишади.