17 ноя 08:34
Янгиликлар

Теннис

Сергей Фомин камбэк эвазига Баҳрайн турнири чемпионига айланди

Бир ҳафта давомида Баҳрайн пойтахти Манама шаҳрида ўтказилган теннис бўйича M25 тоифасига кирувчи турнир ўз якунига етди.

Унда муваффақиятли иштирок этган ҳамюртимиз Сергей Фомин якунда бош соврин соҳибига айланди. Мамлакатимизнинг иккинчи ракеткаси ҳал қилувчи финал учрашувида польшалик Олаф Пьешковскига қарши кортга чиқди. Сергей турнирда тўртинчи, Олаф эса бешинчи рақам остида таснифланган эди.

Икки соату 35 дақиқа давом этган драматик финал учрашувида Фомин ажойиб камбэк амалга ошира олди. Биринчи сетни қаршиликсиз бой берган ҳамюртимиз ўзида ирода топа олди ва уч сет натижасига кўра ғалаба қозонди - 1/6, 6/4, 6/3.

Таққослаш учун, Сергей Фомин финал олдидан ATP рейтингида 405, Олаф Пьешковски 517-поғонадан жой олганди.