29 июн 08:11
Янгиликлар

Бокс/ММА

Сергей Спивак бир йиллик танаффусдан кейин қайтмоқда. Уни яна бир жиддий синов кутмоқда

Оғир вазн тоифасида молдовалик UFC жангчиси Сергей Спивакнинг навбатдаги жанги қаерда ва кимга қарши бўлиши маълум.

У 10 август куни Лас-Вегасда (АҚШ) ўтказиладиган UFC Fight Night турнири доирасида октагонга қайтади. Ўша куни 29 ёшли Спивакка Польша вакили Марчин Тибура рақиблик қилади. Жанг асосий карддан ўрин олган.

Мусобақанинг марказий жанги ҳозирча эълон қилинмади.

Эслатиш жоиз, Сергей Спивак ўзининг сўнгги жангини 2023 йил 2 сентябрь куни франциялик Сирил Ганга қарши ўтказиб, муддатидан олдин мағлуб бўлган. Унинг ҳисобида жами 16 та ғалаба ва 4 та мағлубият бор. 38 ёшли Марчин Тибура эса охирги жангини жорий йилнинг 16 март кунида Австралия вакили Тай Туивасага қарши ўтказган ва биринчи раундда нокаут орқали зафар қучганди. Тибура фаолияти давомида 25 та ғалаба ва 8 та мағлубият қайд этган.