11 май 14:52
Янгиликлар

Бокс/ММА

Сехудо 3 йиллик танаффусдан сўнг UFC рейтингига қайтди

Икки вазнда собиқ UFC чемпиони Генри Сехудо уч йиллик танаффусдан сўнг яна дунёнинг кучли лигаси рейтингида кўриниш берди.

Шунча пайт жанг ўтказмаганига қарамай, у рейтингнинг учинчи поғонасига жойлаштирилди. "Учталик чемпион"нинг рейтингда кескин кўтарилиши қолган жангчилар, хусусан россияликлар Петр Ян ва Умар Нурмагомедовнинг эгаллаб турган ўрнига таъсир ўтказди. Улар мос равишда бешинчи ва ўн иккинчи поғоналарга пастлашди.

Сехудодан юқорида америкалик даъвогар Шон О'Мэлли ҳамда грузиялик Мераб Двалишвили жой олган. Генри якшанба тонгида уч йиллик танаффусдан сўнг октагонга қайтиб, чемпион Алжамейн Стерлингга очколар ҳисобига кўра имкониятни бой берган эди.