13 авг 11:22
Янгиликлар

Бокс/ММА

Шаҳрам Ғиёсов нима учун рақиби ўзгарганлигини маълум қилди

Хабар бериб ўтганимиздек, Шаҳрам Ғиёсов 16 август куни рингга кўтарилади.

Энди у аввал хабар қилинганидек мексикалик Франсиско Рохога қарши эмас, никарагуалик Уинстон Кампосга қарши рингга кўтарилади.

Боксчимизнинг маълум қилишича, Роходан коронавирус чиққани учун рақиб ўзгарган.

"Дўстлар, рақибимдан коронавирус чиққани сабабли "Matchroom" ҳамда DAZN телеканали бошқа рақиб топди. Янги рақибим Уинстон Cампос жуда ҳам яхши техникага эга бўлган ва бир қанча жаҳон чемпионлари билан жанг қилган кучли спортчи. Насиб қилса, дуо қилиб турсангизлар албатта ғалаба қозонишга бор кучимни бераман. Якшанба куни эрталаб соат 5:00 да жонли эфирни "Спорт" каналида ўтказиб юборманг", - деб ёзиб қолдирган Шаҳрам Инстаграмдаги саҳифасида.