06 май 09:20
Янгиликлар

Бокс/ММА

Шаҳрам Ғиёсов рақиби билан илк бор юзма-юз келди +ФОТО

Хабар бериб ўтганимиздек, Шаҳрам Ғиёсов (12-0, 9 КО) навбатдаги жангини 7 май куни (бизнинг вақт билан 8 май тонгида) ўтказади.

Лас-Вегасда ташкил этиладиган жангда ҳамюртимизга мексикалик Кристиан Гомес (22-2-1, 20 КО) рақиблик қилади. Бугун боксчилар ўртасида матбуот анжуманини ташкил этилди ва тадбир сўнггида боксчилар илк бор кўз уриштириш маросимида иштирок этишди.

Эслатиб ўтамиз, кечада яна бир ҳамюртимиз Элнур Абдураимов ҳам рингга кўтарилади. Кечанинг марказий жангида эса Сауль Альварес Дмитрий Бивол билан тўқнаш келади.