19 дек 11:38
Янгиликлар

Бокс/ММА

Шаҳрамни Олимпиада финалида мағлуб этган қозоқ боксчиси жаҳон чемпионлик камари учун рингга кўтарилди + ФОТО

Қозоғистоннинг Нурсултон шаҳрида катта профессионал бокс кечаси бўлиб ўтди.

Оқшомнинг марказий жангида яримўрта вазн тоифасида вакант бўлиб турган IBO камари учун қозоғистонлик Данияр Елеусинов Аргентина вакили Хуан Эрнан Леалга қарши рингга кўтарилди.

Ўн икки раундга мўлжалланган баҳс тўлиқ давом этди. Жанг якунида ҳакамлар бир овоздан қозоғистонлик боксчининг ғалабасини эълон қилишди. Шу тариқа, Данияр Елеусинов вакант бўлиб турган IBO камарини қўлга киритди.

Эслатиб ўтамиз, айнан Данияр Елеусинов Рио-2016 финалида ҳамюртимиз Шаҳрам Ғиёсовни мағлуб этган эди.