Шаҳрулло Маҳмудов Париж-2024 ёзги Олимпия ўйинларига тайёрланаётган енгил атлетикачиларимизнинг режалари билан танишди

Спорт вазири ўринбосари Шаҳрулло Маҳмудов енгил атлетика бўйича Ўзбекистон терма жамоаси аъзолари билан учрашиб, уларнинг Париж-2024 Олимпия ўйинларига тайёргарлигини муҳокама қилди.

Йиғилишда Андрей Абдувалиев бошчилигидаги мамлакат енгил атлетика федерацияси мутасаддилари, терма жамоа мураббийлар штаби ва спортчилар иштирок этишди. Бош мураббий Гўзал Ҳуббиева Олимпия ўйинларига тайёргарлик олиб бораётган ҳар бир спортчимизнинг индивидуал режалари ҳақида тўхталиб, қай тартибда Олимпиада йўлланмасини қўлга киритиши кутилаётгани ҳақида маълумот берди.

Ўз навбатида Шаҳрулло Шарипович давлатимиз атлетларимизнинг тайёргарлигини қўллаб-қувватлаб келаётгани, бундан кейин ҳам барча шароитлар яратиб берилишини билдирди. Режага кўра, 10 март куни терма жамоа Туркиянинг Белек шаҳрига ўқув-машғулот йиғинига йўл олади. Мазкур йиғин ёзги мавсум олдидан тайёргарликнинг муҳим босқичи вазифасини ўтаб беради.