Шакур Стивенсон Хэйни вакант қолдирган WBC камари учун жанг қилади

Эслатиб ўтамиз, амалдаги чемпион америкалик Дэвин Хэйни биринчи ярим ўрта вазнга кўтарилиб, ҳамюрти Режис Прогрейсга қарши жанг қилишга қарор қилгани маълум бўлган эди.

Хэйнининг қарорига унинг мажбурий рақиби америкалик Шакур Стивенсон салбий муносабатда бўлди ва у чемпионлик жангининг кечикишига қарши чиқди.

WBC қарорига кўра, Хэйни "таътилдаги чемпион" деб эълон қилинади, бу эса унга хоҳласа чемпионлик учун навбатдан ташқари жанг қилиш ҳуқуқини беради. Стивенсон вакант камар учун ташкилот рейтингида энг юқори ўринни эгаллаган жангчи (айни пайтда) Василий Ломаченко билан курашади.