Шара Буллет навбатдаги жанг санасини эълон қилди, у рақибга ҳам "вызов" ташлади

Шара Буллет шанба оқшомида Ар-Риёд шаҳрида ўтказилган UFC турнирида ушбу промоушендаги иккинчи ғалабасини қўлга киритганди. У уч ҳафтадан кейин октагонга қайтишга тайёр. Шара кейинги рақиби сифатида америкалик Кевин Холландни кўрмоқчи.

"Кевин Холланд, ҳақиқий қароқчи Шара Буллет шу ерда, АҚШда. Мен сени 13 июль куни йўқ қиламан ва сенинг бошингни ўзим билан уйга олиб кетаман. Кел, жанг қиламиз. Кевин Холанд, мен сени октагонга чорлайман. Сен менга Америкага кел, уришамиз дегандинг. Менинг қайиғим АҚШ қирғоқларига сузиб келди. Ҳақиқий эркаклар жанги учун рози бўл", - деган Шарабутдин. 

Маълумот учун, Шарабутдин Магомедов Бруно Сильвани очколар ҳисобига кўра мағлуб этган, Антонио Троколини нокаутга учратган эди. Кевин Холланд эса шу ойнинг бошида ўрта вазн тоифасига қайтиб, Михал Олексийчукни биринчи раунддаёқ таслим этганди. 

Дарвоқе, Шара Буллет жанг қилмоқчи бўлаётган UFC on ESPN 59 турнири 13 июль куни АҚШнинг Колорадо штати Денвер шаҳрида ташкил этилади.