Шара Буллетнинг навбатдаги жанги, санаси ва манзили маълум

Ўрта вазн тоифасида ўз жангларини ўтказиб келаётган Шара Буллет 26 октябрь куни БАА пойтахти Абу-Даби шаҳрида ташкил этилаётган UFC 308 турнири доирасида арманистонлик Армен Петросянга қарши октанонга кўтарилади.

Шарабутдин Магомедов шу ой айнан Абу-Дабида ўтган UFC on ABC 7 турнирида польшалик Михал Олексийчукни очколар ҳисобига кўра мағлубиятга учратган эди. Бу унинг UFC промоушенида қўлга киритган учинчи ғалабаси бўлганди. 

Армен Петросян эса аксинча, шу йилнинг февраль ойида Родольфо Виейрага ютқазиб қўйганди. Бразилиялик аралаш яккакураш устаси биринчи раунднинг ўзида учбурчак усулида рақибини бўғибқўйганди.

Эслатиб ўтамиз, UFC 308 турнирининг марказий жанги ярименгил вазнда амалдаги дивизион чемпиони Илия Топурия ҳамда ушбу камарнинг собиқ чемпиони Макс Холлоуэй ўртасида бўлиб ўтади.