15 апр 08:16
Янгиликлар

Теннис

Шарипова Туркияда бош мукофот соҳибасига айланди+ФОТО

Мамлакатимизнинг биринчи рақамли теннисчиси Сабина Шарипова Туркиянинг Истамбул шаҳрида ўтказилган турнирда муваффақиятли иштирок этди.

Мусобақанинг соврин жамғармаси 60 000 АҚШ долларини ташкил қилди. Ҳамюртимиз бош соврин учун кечган финал учрашувида россиялик Елена Рибакинага қарши кортга чиқди. Ушбу баҳсда Шарипова 7:6(0), 6:4 ҳисобида зафар қучди ва бош мукофот соҳибасига айланди.

Таққослаш учун, Сабина Шарипова дунё рейтингида 217, Елана Рибакина эса 255-ўринни эгаллаб турибди. Теннисчилар шу кунгача ўзаро бир бор тўқнаш келишган. Шу йилнинг 28 январь куни ўтказилган ўша баҳсда Рибакина ғалаба қозонганди. Бу борада ҳисоб тенглашди.