19 апр 11:24
Янгиликлар

Теннис

Шарипова Хитойдаги мусобақада иккинчи учрашувини ўтказди

Мамлакатимизнинг биринчи ракеткаси Сабина Шарипова Хитойнинг Чжэнчжоу шаҳрида мукофот жамғармаси 125 000 АҚШ долларини ташкил қилувчи мусобақада иштирок этаётганди.

Ҳамюртимиз турнирнинг биринчи босқичида таиландлик Пеангтарн Плипуэкка қарши кортга чиққан ва 2 соату 9 дақиқа давом этган баҳсда 4:6, 6:2, 7:6 ҳисобида ғалаба қозонган.

Теннисчимиз ҳозиргина якунига етган иккинчи давра учрашувида мезбонлар вакиласи Ван Яфанга қарши кортга чиқди. Яфань мусобақада тўртинчи рақам остида сараланган эди. Учрашувда тажрибали Ван 6:1, 6:2 ҳисобида зафар қучди.

Таққослаш учун, Сабина Шарипова дунё рейтингида 184, Ван Яфань эса 98-ўринни эгаллаб турибди.