Sharjah Masters 2025. Нодирбек пешқадамлар сафида. Бугун 5-турда шахматчиларимиз кимларга қарши дона суришади?

Мукофот жамғармаси 73 000 АҚШ долларини ташкил этувчи ушбу мусобақанинг кучлилар жам бўлган "Masters" гуруҳида тўрт нафар гроссмейстеримиз - Нодирбек Абдусатторов, Жаҳонгир Воҳидов, Муҳиддин Мадаминов ва Ортиқ Ниғматов ҳам совринли ўринлар учун баҳс олиб боришмоқда. 

Бугун мусобақанинг 5-тур учрашувлари бўлиб ўтади. Ўзбек шахматчиларга қарши кечган баҳсларда кетма-кет иккита ғалаба қайд этган Нодирбек Абдусатторов 5-турда қора доналарда венгриялик гроссмейстер Адам Козакка қарши баҳс олиб боради. Қолган уч гроссмейстеримиз бугунги тур ўйинларини рақибларига қарши оқ доналарда ўтказишади. Жаҳонгир Воҳидов эронлик Сина Моваҳед, Муҳиддин Мадаминов қозоғистонлик Ринат Жумабоев, Ортиқ Ниғматов эса ҳиндистонлик Картик Венкатараманга қарши дона суради. 

Бешинчи тур олдидан нидерландиялик Аниш Гири ва сербиялик Александар Инжич 3,5 очкодан жамғариб, турнир жадвалида қўшҳокимлик қилишяпти. Ўн нафар гроссмейстер ҳисобида 3 очкодан бор. Улар орасида Нодирбек Абдусатторов ҳам 3 очко тўплаб, қўшимча кўрсаткичларга кўра 11-ўринни эгаллаб турибди. Учинчи поғонадаги ҳиндистонлик Висаҳда ҳам 3 очко бор. Ортиқ Ниғматов 2,5 очко билан 18, Муҳиддин Мадаминов 1, 5 очко билан 59, Жаҳонгир Воҳидов эса 1 очко била 72-поғонадан жой олган.