Sharjah Masters. Нодирбек Абдусатторов бир суткада икки давлатда икки учрашув ўтказди

Мукофот жамғармаси 73 000 АҚШ долларини ташкил этувчи ушбу мусобақанинг кучлилар жам бўлган "Masters" гуруҳида тўрт нафар гроссмейстеримиз - Нодирбек Абдусатторов, Жаҳонгир Воҳидов, Муҳиддин Мадаминов ва Ортиқ Ниғматов ҳам совринли ўринлар учун баҳсларга киришди. 

Бир кун аввал Руминиянинг Бухарест шаҳрида якунига етган турнирнинг сўнгги турида ўйнаган Нодирбек Абдусатторов бир сутка ичида икки давлатдаги мусобақада ўйин ўтказди. Абдусатторов Sharjah Masters турнирида биринчи рақам остида таснифланган бўлиб, 1-тур учрашувида қора доналарда ҳиндистонлик гроссмейстер Панаяппан Сетхураманга қарши баҳс олиб борди. Ҳамюртимиз мағлубияти муқаррар бўлиб қолган вазиятдан чиқиб кетди ва якунда дурангга имзо чекди. 

Sharjah Masters 2025 турнирининг 1-турида шахматчиларимиздан биргина Жаҳонгир Воҳидов мағлубият аламини тотиб кўрди. У оқ доналарда турнирнинг учинчи тартиб рақамли иштирокчиси, эронлик таниқли гроссмейстер Амин Табатабайига ютқазиб қўйди. Муҳиддин Мадаминов ва Ортиқ Ниғматов эса рейтинги ўзларидан юқоридаги рақиблари муросага келишди.  

Шахматчиларимизнинг 1-турдаги нитажалари:

Панаяппан Сетхураман (Ҳиндистон) - Нодирбек Абдусатторов - 0,5:0,5

Жаҳонгир Воҳидов - Амин Табатабайи (Эрон) - 0:1

Муҳиддин Мадаминов - Сянюй Сюй (Хитой) - 0,5:0,5

Ортиқ Ниғматов - Пранав Ананд (Ҳиндистон) - 0,5:0,5

Бугун 2-тур учрашувида Нодирбек Абдусатторов оқ доналарда яна бир ҳинд гроссмейстери Адитя Митталга қарши баҳс олиб боради. Муҳиддин Мадаминов қора доналарда грециялик Николас Теодороу, Ортиқ Ниғматов ҳиндистонлик Санкалп Гупта билан ҳисоб-китоб қилади. Жаҳонгир Воҳидов эса сербиялик аёл шахматчи Теодора Иняцга қарши қора доналарда ўйнайди.