Sharjah Masters. Нодирбек Абдусатторов яна қийин вазиятдан чиқиб кетди, Ниғматов ва Воҳидовда ғалаба

Мукофот жамғармаси 73 000 АҚШ долларини ташкил этувчи ушбу мусобақанинг кучлилар жам бўлган "Masters" гуруҳида тўрт нафар гроссмейстеримиз - Нодирбек Абдусатторов, Жаҳонгир Воҳидов, Муҳиддин Мадаминов ва Ортиқ Ниғматов ҳам совринли ўринлар учун баҳс олиб боришмоқда. 

Нодирбек Абдусатторовга дам олишсиз кетма-кет иккита турнирда қатнашаётгани ўз таъсирини ўтказмай қолмаяпти. Sharjah Masters турнирида биринчи рақам остида таснифланган Абдусатторов 2-турда яна қийин вазиятдан чиқиб кетиб, якунда дуранг натижа қайд эта олди. У оқ доналарда ҳиндистонлик гроссмейстер Адитя Миттал билан муросага келди. 

Sharjah Masters 2025 турнирининг 2-турида шахматчиларимиздан Жаҳонгир Воҳидов ва Ортиқ Ниғматов ғалабага эришиди. Ҳар икки гроссмейстеримиз ҳам қора доналарда ўйнаганликларига қарамай мусобақадаги илк ғалабаларини қўлга киритишди. Ниғматов ҳиндистонлик Санкалп Гуптани, Воҳидов эса сербиялик аёл шахматчи Теодора Иняцни таслим этди. Муҳиддин Мадаминов эса грециялик Николас Теодороуга имкониятни бой бериб қўйди.