Шарофиддин Болтабоев Чехияда операция қилинди + ФОТО

Қорақалпоғистонлик дзюдочимиз канадалик Франкоис Драпеунга қарши Анталя “Катта Дубулға” мусобақасининг бронза медали учун кечган беллашувда тиззасидан жароҳат олган эди. Мутахассислар тавсияси билан Болтабоев Чехияга жўнатилди. Европалик малакали шифокорлар кичик жарроҳлик амалиётидан сўнг муолажаларни физиотерапия йўли билан давом эттиришяпти.  

"Суюклик Пайғамбаримиз Муҳаммад Мустафо САВ айтдилар, агар бир иш бўлмай қолса, нимага болмади деб ҳавотирга тушманг, бандаси шошилган билан Аллоҳ шошилмайди. Ҳар бир иш Яратганнинг изни билан бўлади. Спортда жароҳат ёнма-ён юради. Шу нарсаларни бўйнимизга олиб, биз спортчилар яхши натижалар учун ҳаракат қиламиз. Ҳаққимга дуо қилиб турганларга катта раҳмат!", - дейди Болтабоев.