09 фев 19:20
Янгиликлар

Дзюдо

Шарофиддин Болтабоев ФИНАЛда, бизга ОЛТИН керак!

-81 кг вазн тоифасида юртимиз шарафини ҳимоя қилаётган Шарофиддин Болтабоев ярим финал учрашувини ўтказди.

Шарофиддин ярим финал беллашувида япониялик Сотаро Фиживарага қарши татамига чиқди. Кунчиқар юрт, дзюдо ватани спортчисига қарши кечган баҳсда юртдошимиз ғалаба қозониб, финалга йўл олди.

Бу камида кумуш медали бор дегани. Лекин бизга ОЛТИН медал керак! Шарофиддин кечки дастурда ўтказиладиган финал беллашувида бельгиялик Маттиас Кессега қарши татамига чиқади.

Эслатиб ўтамиз, Шарофиддин Болтабоев чорак финал учрашувида амалдаги жаҳон чемпиони, рейтинг пешқадами исроиллик Саги Мукини мағлубиятга учратишнинг уддасидан чиққанди.