Шарофиддин ва Диёрбекда ғалаба, Диёра эса...

Рейтинги энг баланд дзюдочимиз иккинчи давра учрашувида россиялик Ислам Яшуевни вазари баҳоси эвазига таслим эта олди. Ислам биринчи босқичда чехиялик Дэвид Пулкрабекдан устун келганди. Лутфуллаевнинг нимчорак финалдаги рақиби бироздан сўнг маълум бўлади

Баҳсларга иккинчи босқичдан қўшилган Диёрбек эквадорлик Ленин Пресиадони иппон баҳоси эвазига енгди. Бироздан сўнг Ўразбоев германиялик Моритц Плафкига қарши татамига чиқади. Моритц россиялик Роберт Мшвидобадзени мағлубиятга учратиб, катта шов-шувга кўтаришга эришди.

Афсуски, -52 кг вазн тоифасидаги дзюдочимиз, кадетлар ўртасида жаҳон чемпиони Диёра Келдиёрова илк босқичдаёқ мағлубиятга учради. Диёра испаниялик Ана Перезга имкониятни бой бериб, мусобақадаги иштирокини якунлади.