Шавкат Мирзиёев қарори юзасидан Олимпия шон-шуҳрати музейида давра суҳбати бўлиб ўтди (видео)

Мазкур қарорда спортчи ва мураббийлар фаолиятини тубдан такомиллаштиришга доир қатор чора-тадбирлар белгилаб берилган. Хусусан, спортчиларнинг катта спортдан кейинги фаолияти давомида жамиятнинг фаол аъзоси бўлиши учун Ҳаракатлар дастурининг ишлаб чиқилиши, мамлакат шарафини халқаро майдонларда муносиб ҳимоя қилган спортчилар ва уларнинг мураббийларига бир марталик, ойлик ва умрбод тўловлар тизимининг жорий этилиши спорт жамоатчилиги вакилларини хурсанд қилди.

Президент қарорида “спортчи” лавозимининг жорий этилиши ҳақида алоҳида кўрсатиб ўтилган. Жисмоний тарбия ва спорт қўмитаси мутасаддиларининг сўзларига кўра, бу терма жамоаларга аъзо бўлган спортчиларгагина тегишли бўлади. Қизғин баҳс-мунозараларга бой бўлган учрашув давомида спортчи ва мураббийлар, журналистлар ўзларини қизиқтирган саволларга жавоб олишди. “Спорт” телеканали томонидан ёзиб олинган мазкур ток-шоу яқин кунларда мухлисларга тақдим этилади.