12 дек 12:03
Янгиликлар

Бокс/ММА

Шавкат Раҳмонов навбатдаги жанги учун Лас-Вегасга жўнаб кетди + ФОТО

Яримўрта вазн тоифасидаги UFC жангчиси Шавкат Раҳмонов жамоаси билан бирга АҚШнинг Лас-Вегас шаҳрига жўнаб кетди.

Қозоғистонлик аралаш яккакураш устасини америкалик Стивен Томпсонга қарши жанг кутиб турибди.

"Вегасга учяпмиз. Машғулотлар Kill Cliff FC залида ўтказилди. Бизни UFC 296 турнири доирасидаги жанг кутмоқда", — деди Раҳмонов.

Эслатиб ўтамиз, Шавкат Раҳмонов — Стивен Томпсон жанги 17 декабрь тонгида АҚШнинг Невада штати Лас-Вегас шаҳрида ташкил этилаётган UFC 296 турнири доирасида бўлиб ўтади.