Шавкат Раҳмоновнинг жамоаси унинг октагонга қайтишининг янги муддатини маълум қилди

Бу ҳақда "Вестник ММА"га берган интервьюсида "Номад"нинг грепплинг ва жиу-жисту бўйича мураббийи Азамат Бакитов маълум қилди.

"Ҳозир Шавкат ҳали тикланиш жараёнида. Бир ярим-икки ойдан кейин у курашишни бошлайди, ҳозирча эса фақат тош кўтариш ва бокс билан шуғулланмоқда. Қайтишини йил охирига кутяпмиз, катта эҳтимол билан", – деди қозоғистонлик мутахассис.

2024 йилнинг декабридан буён октагонга чиқмаган Шавкат Раҳмонов яқинда берган интервьюсида жорий йилнинг охири ёки келаси йилнинг бошида навбатдаги ҳимоя жангини ўтказишни режалаштираётган UFC ярим ўрта вазн тоифасида амалдаги чемпион Ислам Махачев учун энг қийин синов бўлишини айтиб ўтганди.

Аввалроқ қозоғистонлик жангчининг менежери Саят Абдрахманов ўз мижозининг қайтиш муддатлари ҳақида гапирар экан, 2027 йилнинг бошини назарда тутган эди.