Шавкат Раҳмоновнинг UFC`даги кейинги жанги ҳақида маълумот берилди

Бу ҳақда Раҳмоновнинг кураш бўйича мураббийи Эдуард Базров SarbazPodcast лойиҳасига берган интервьюсида маълум қилди. Раҳмонов декабрь ойида Лас-Вегасда ўтган жангда америкалик Стивен Томпсонни бўғиш усули билан мағлубиятга учратганди. Ўша жангдан кейин Шавкат оёғидан олган жароҳатини операция қилдирган эди.

"Шавкат машғулотларни енгил бўлса-да давом эттиряпти. Ҳозир жисмоний ҳолатини яхшилаб бормоқда. "Медеу"да чанғи учяпти, тоғда сайр қиляпти. У диванда ётиб, чой ичадиганлардан эмас. Шавкат ҳамиша актив дам олишда. Жароҳатини тиклаб боряпти. Тез орада 100 фоиз тайёр бўлади. Катта эҳтимол билан ёз фаслининг бошида бизга жанг беришади", — деди Базров.