17 сен 09:23
Янгиликлар
Шайх Салмон: Ўзбекистоннинг футбол оламида ўз ўрнини эгаллашига ишонамиз
– Президент Шавкат Мирзиёев билан мулоқот чоғида у кишининг спортни ривожлантиришга бўлган алоҳида иштиёқини ҳис этдик. Биз Ўзбекистоннинг футбол оламида ўз ўрнини эгаллашига ишонамиз. Давлатингиз раҳбарининг қўллаб-қувватлаши билан бунга эришамиз.
Учрашувда Шавкат Мирзиёев мамлакатда футболни ривожлантириш бўйича ўз фикр-мулоҳазаларини билдирди. Осиё футбол конфедерацияси бу борада Ўзбекистон билан ҳамкорликка қаратилган аниқ дастур ва лойиҳаларни амалга оширишга тайёр.
Футбол – миллионлар ўйини. Ушбу оммавий спортни ривожлантиришга қаратилган режалар 2-3 йилга эмас, балки 10 йилларга мўлжаллаб ишлаб чиқилиши лозим. Шунда футбол бўйича юқори малакали мутахассислар, мураббийлар, истеъдодли футболчиларни тайёрлашга эришиш мумкин. Биз мамлакатингиз билан футбол мактабларини ривожлантириш, халқаро мусобақаларни ўтказишга кўмаклашиш, тажриба алмашиш ниятидамиз.
Фикрлар