Шоҳасан Мирзаматов Octagon 47 турнирида 41 ёшли эронлик "енгилмас" жангчи билан тўқнаш келади

Мазкур мусобақада ярим ўрта вазн тоифасида ўзбекистонлик жангчи - Шоҳасан Мирзаматов (9-2) ҳам октагонга кўтарилиши ҳақида хабар берган эдик. Ҳамюртимизга ўша куни ким рақиблик қилиши маълум бўлди.

Унга кўра, Мирзаматов эронлик Акбар Азади-Фар (4-0) билан тўқнаш келади.

Азади-Фар учун бу Octagon лигасидаги дастлабки жанг бўлади. 41 ёшли спортчи сўнгги жангини 2021 йил 4 февраль куни дебютант Орхан Аббасовга қарши ўтказиб, ғалаба қозонган.

Шоҳасан Мирзаматов эса оҳирги жангини ўтган йилнинг май ойида, MPL 5 турнирида Ўрта Осиёнинг кўзга кўринган жангчиларидан бири - Эдил Эсенгуловга қарши ўтказиб, мағлуб бўлган эди.

Шунингдек, Octagon 47 турнирида яна бир ўзбекистонлик - Низомиддин Исроилов (3-3) Қозоғистон вакили Нурбек Тажибаев (5-2) билан жанг қилади.