Шоҳжаҳон Эргашев жаҳон чемпионати совриндори Аълохон Абдуллаевнинг келажагига аниқлик киритди

"Кўпчилик "нега Аълохонга жиддий жангларни бермаяпсиз?" қабилида савол беряпти. Аълохоннинг фаолиятидаги жиддий жанглар насиб бўлса, шу баҳсдан кейин бошланади. Уни Москвага олиб кетамиз. Кўрамиз, нима кўрсатар экан. Аълохон томошабоп жанг кўрсатувчи боксчи. Шу жангни ўтказиб олсинчи. Барибир ҳали проф бокснинг ҳавосини олиши керак. Намангандаги жангдан кейин Аълохоннинг фаолиятини ҳал қиламиз", деб айтиб ўтган Эргашев.

Маълумот учун, ҳаваскор боксда 2023 йилда Тошкентда ўтказилган жаҳон чемпионатида бронза медалини қўлга киритган 22 яшар Абдуллаев ҳозиргача проф боксда 4 та жанг ўтказиб, 3 та ғалаба ва 1 та дуранг қайд этган. Унинг кейинги жанги 16 август куни Наманганда бўлиб ўтади.